Assalamualaikum Wr. Wb.
Nuwun panjenenganipun Bapak/Ibu para sesepuh, pinisepuh
ingkang tansah kula bekteni, saha para kanca ingkang kula tresnani.
Puji syukur, sumangga kita aturaken dhumateng Gusti Allah
ingkang Maha Welas Asih. Awit saking rahmatipun kita sedaya tansah pinaringan
kawilujengan, saengga saged mekampel wonten papan menika. Saperlu rawuh wonten
ing acara malem pangetan mapag warsa enggal 1 Januari 2015.
Tahun 2014 sampun kita lampahi kanthi tumindak ingkang sae,
menapa ingkang awon. Tumindak sae lan awon kala wau kedah kita dadosaken kaca
benggala kangge taun-taun salajengipun. Tumindak ingkang sae kedah kita tansah
dadosaken tuladha, dene tumindak awon kedah kita tilar ampun ngantos kita
ambali malih ing taun salajengipun.
Tumrep para kanca ingkang dereng saged sinau ing pawiyatan
kanthi tumemen, mugi-mugi ing warsa enggal mangke saged tumemen anggenipun
ngangsu kawruh langkung sregep ampun kesupen tansah, ndedonga maring Gusti
Allah saengga keparingan gampil samudyanipun lan pikantuk biji ingkang
maremaken.
Para rawuh ingkang minulya, naming menika ingkang saged kula
aturaken, kula nyuwun agunging pangapunten.
Pungkasaning atur, mangga kita sedaya nyenyuwun mugi ing
warsa enggal samangke kita tansah pinaringan kasaringan, kawilujengan, saha
barokahing Gusti Allah ingkan Maha Agung, lan saged nggayuh sedaya ingkang
dereng saged kalampahan. Amin. Matur nuwun.
Wassalamualaikum Wr. Wb.
